Çempionlar Liqasının Liqa mərhələsinin 4-cü turunda İngiltərədə "Bayer Leverkuzen"i 4:0 hesabı ilə darmadağın edən "Liverpul"un baş məşqçisi Arne Slot oyun barədə fikirlərini bölüşüb.
Fanat.Az xəbər verir ki, "qırmızılar"ın rəsmi saytı onun sözlərini belə çatdırıb:
"Azarkeşlərin mənim şərəfimə mahnı oxumaları xoşuma gəldi. Bu mənim üçün həmişə xüsusi bir şey olacaq. Amma rəqib komandanın çalışdırıcısı Xabi Alonsonun ayaq üstə alqışlanmasını da çox bəyəndim. Xabi bu klub üçün xüsusi bir insandır. O, azarkeşlərimiz tərəfindən isti qarşılanmağa layiqdir.
İlk hissədə daha çox şanslarımız oldu, rəqib isə qapımıza təhlükə yaratmadı. Avropada nə qədər yaxşı olsalar da, bəzən güclü hücumçu sürətli hücumçudan daha vacibdir. Körtis Cons inanılmaz ötürmə etdi, Luis Dias kimi sürətli biri onu tamamladı. Fikrimcə, ötürmə də qol qədər qabardılmalıdır".
Nihat
