“Bayer”in baş məşqçisi Xabi Alonso Çempionlar Liqasının Liqa mərhələsində “Liverpul”a ağır məğlubiyyətə aydınlıq gətirib.
Arena.az xatırladır ki, “əczaçılar” ÇL-in Liqa mərhələsinin 4-cü turu çərçivəsində səfər oyununda qarşılaşdıqları “qırmızılar”dan gözlənilmədən 0:4 hesablı ağır məğlubiyyət alıblar.
“Əlbəttə, “Enfild”ə gəlib uduzmaq olar, belə də olur. Bəli, belə hesabla məğlub olmaq xoşagəlməzdir, amma bu, əla komandadır, səhvlərimizə görə bizi cəzalandırdılar. Bura gəlib mübarizə aparmaq istəyirdik, biz müəyyən nöqtəyə qədər yaxşı oynadıq, amma 20 dəqiqə ərzində sayıqlığımızı itirdik və məğlub olduq. Qalanı, bu nəticəni qəbul etmək və “Liverpul”u qələbə münasibətilə təbrik etməkdir”, – Xabi Alonso matçdan sonra jurnalistlərə açıqlamasında bildirib.
4 turdan sonra “Liverpul” 12 xalla UEFA Çempionlar Liqasının Liqa mərhələsinin yarış cədvəlinə başçılıq edir. “Bayer” isə 7 xalla 11-ci sıradadır.
