Kanada əsilli məhşur amerikalı aktrisa, model və teleaparıcı Pamela Anderson Hollivudu tərk etməsini çox böyük səhvi hesab edir.
Reyting.az-ın məlumatına görə, "Malibunun xilaskarları" serialının ulduzu, uzun illər "Fabulous", "Playboy", eləcə də "Variety" jurnallarının siması olmuş, "yaşlanmayan ulduz" adlandırılan Pamela Anderson Hollivuddan ayrılmasından spöz açıb.
Xatırladaq ki, sənətçi bir neçə il əvvəl Kanadaya köçüb.
P. Anderson "Women's Wear Daily" jurnalına müsahibəsində deyib ki, hazırda tanınmış bir aktrisa və model kimi durumu heç də xoşagələn deyil və o, introspeksiya dövrünü yaşayır. Anderson bildirib ki, o, bu həyatdan nə istədiyini və hansı istiqamətdə hərəkət edəcəyini tam anlamağa çalışır.
Ulduz aktrisa qeyd edib ki, onun hətta Vankuverə köçmək qərarı da əslində xüsusi məna daşıyıb. "Həyatıma həqiqətən baxmaq, onun kim olduğunu xatırlamaq üçün bunun bir yol olduğunu",- söyləyən Anderson indiyədək axtarışda olduğunu deyib.
"Başqalarının dediyi kimi deyildim və söz yox ki, başıma gələn hər hansı hadisənin məni belə müəyyən etməsini istəməzdim. İşlərimin məni necə tanıtmasını və bir daha şəxsiyyət kimi təqdim etməsini istədim", - deyə ulduz vurğulayıb.
P. Anderson etiraf edib ki, onun üçün Amerikada yaşamaq çox çətin olub. Model, bu ölkədə özünü daima "çox kədərli və tənha" hiss etdiyini söyləyib. Pamelanın dediyi kimi, ABŞ-dakı həyatında həm də "çox səhvlər edib". Bütün bunlar isə tədricən aktrisanın bir anda həyatını dəyişdirmək istəməsinə və köçmək qərarına gəlməsinə səbəb olub.
"Son onilliklər ərzində nələr baş verdiyini bilmirəm, amma indi mən həqiqiyəm və özümü olduğum imicdən daha çox uzaq hiss edirəm",- deyən ulduz sənətçi Hollivuda dönə biləcəyini də istisna etməyib.
Oqtay QORÇU
