''Əl-Nəsr'' və Ronaldonun uğursuz seriyası bitdi, 908-ci qol gəldi

Asiya Çempionlar Liqasının 4-cü turunda Səudiyyə Ərəbistanı təmsilçisi ''Əl-Nəsr'' Birləşmiş Ərəb Əmirlikləri təmsilçisi ''Əl-Əin''i qəbul etdi.

Meydan sahibləri 5:1 hesablı inamlı qələbə qazandılar. Bununla da ''Əl-Nəsr'' 3 oyunluq qələbəsiz, Kriştiano Ronaldo isə 2 oyunluq qolsuz seriyaya son qoydu. Ər-Riyad təmsilçisinin heyətində Talişka dubl etdisə, Ronaldo ilə yeni transfer braziliyalı Uesli hərəyə bir qol vurdu. Daha bir top avtoqol sayəsində vuruldu. Portuqaliyalı superulduz karyerasının 908-ci qolunu vurdu. Bu nəticə ilə Stefano Piolinin komandası xalını 10-a yüksəltdi.

Argentinalı Ernan Kresponun çalışdırdığı ''Əl-Əin'' isə 4-cü turu cəmi 1 xalla tamamladı.

ƏLİ

• Qələbə
• Dubl
• Uesli
• Asiya Çempionlar Liqası