Bir neçə gün əvvəl model Razi Əliyeva hamilə olduğunu açıqlayıb və bunu əks etdirən fotolarını sosial şəbəkədə paylaşıb.
Bizim.Media axşam.az-a istinadən xəbər verir ki, onun bu paylaşımı tənqid atəşinə tutulub. Razi instaqram izləyicilərinin suallarına cavab verərkən, tənqidlərə reaksiya verib.
O bildirib ki, hamiləliyinin səkkizinci ayındadır.
Model "Yay aylarında sizin qarnınız yuvarlaq deyildi. İndi necə ola bilər ki, siz hamiləliyin səkkizinci ayındasınız? Yalanlar içində batırsınız" sözlərinə "Ay qız get hamama… Beynini yumaq lazımdır. Sənə yalan borcum var?" cavabını verib.
"Qızlar nə edim ki, qarnım gec çıxıb. Amma əslində belə daha yaxşıdır. Əvvəlki formaya qayıtmaq daha asan olacaq. Sadəcə arıq olduğum üçün elə olub, üstəlik qarnımın forması həmişə içəri batmış olub, qabırğalarım çıxırdı. Mən qarnımı gizlətməkdə çox da əziyyət çəkmirdim, nə yalan deyim. Arada şəkil çəkdirəndə biraz qarnımı nəfəsimlə yığırdım və bu kifayyət edirdi" deyə, model əlavə edib.
Qeyd edək ki, Razi Nicat adlı bəylə ailə qurub.
Bizim.Media
