İsrail ordusunun Qəzza zolağının cənubundakı Rəfah şəhərinin şərqində PUA ilə həyata keçirdiyi hücumda 6 fələstinli həyatını itirib.
Bakıvaxtı.az xarici mediaya istinadla xəbər verir ki, hadisə şahidləri İsrailin sözügedən bölgədə bir qrup fələstinlini hədəf aldığını, hücumda ölən və yaralananların olduğunu bildirib.
Xan Yunus Qəzza Avropa Xəstəxanasından verilən açıqlamada, hücumda həyatını itirən 6 nəfərin cəsədlərinin xəstəxanaya gətirildiyi bildirilib.
Qeyd edək ki, İsrailin 7 oktyabrdan bəri Qəzza zolağında həyata keçirdiyi hücumlarda təxminən 17 min 210-u uşaq, 11 min 742-si qadın olmaqla 43 min 391 fələstinli həyatını itirib, 102 min 347 nəfər isə yaralanıb.
Əli Hüseynov
