ABŞ-ın hazırkı prezidenti, demokrat Co Bayden əvvəlcə prezidentlik yarışına qatılmamalı idi, o, vitse-prezident Kamala Harrisə yox, daha güclü partiya üzvünün seçkilərdə təmsil olunmasına icazə verməli idi.
Bu fikri TASS-ın müxbiri ilə söhbətində Vaşinqtondakı Amerika Universitetinin Nüvə Tədqiqatları İnstitutunun direktoru, professor Piter Kuznik səsvermənin nəticələrini şərh edərkən deyib.
"Demokratlar amerikalıların əksəriyyətindən açıq şəkildə kənardadırlar. Baydenin son dərəcə aşağı təsdiq reytinqi çoxdan həyəcan siqnalı olmalı idi. O, bir dəfə demişdi ki, keçid dövrü üçün prezident olacaq. O, öz sözlərinə qulaq asmalı və kənara çəkilməli idi ki, demokratlar normal praymeriz keçirə bilsinlər, oradan ən güclü və döyüş sınağından keçmiş namizəd çıxsın.
Əvəzində o (Bayden - TASS qeydi) hakimiyyətdən yapışdı və keçmiş prezident Barak Obama, ABŞ Nümayəndələr Palatasının eks-spikeri Nensi Pelosi və başqaları onu qışqıraraq və sözün əsl mənasında Ağ Evdən qovmalı oldular. O, hətta Respublikaçı Donald Trampla fəlakətli debat performansından və ölkəyə rəhbərlik edə bilməməsindən sonra istefa verməkdən imtina etdi”, professor bildirib.
Cavid
