İspaniya çempionu və Çempionlar Liqasının qalibi "Real Madrid" qarşıdakı oyunlarda qələbə qazanmayacağı təqdirdə 65 yaşlı italiyalı Karlo Ançelottini komandanın baş məşqçisi postundan uzaqlaşdıracaq.
"Operativ Media" xəbər verir ki, bu haqda "Relevo" məlumat yayıb.
"Real" evdə ardıcıl iki məğlubiyyət alıb. İspaniya çempionatında "Barselona"ya 0:4 hesabı ilə uduzan "Real Madrid" Çempionlar Liqasının IV turunda İtaliya təmsilçisi "Milan"a 1-3 hesabı ilə uduzub.
İspaniya çempionatının 11 oyunundan sonra "Real" 24 xalla lider "Barselona"dan 9 xal geri qalaraq (12 oyun) ikincidir.
“Real” Çempionlar Liqasında 6 xalla 17-ci pillədə qərarlaşıb.
