UEFA Çempionlar Liqasının ümumi mərhələsinin oyununda “Atletiko Madrid” Fransanın PSJ klubu ilə qarşılaşıb.
Fanat.Az xəbər verir ki, İspaniya nəhəngi parisliləri səfərdə 2:1 hesabı ilə məğlub edib.
"Atletiko"nun argentinalı baş məşqçisi Dieqo Simeone UEFA-nın mətbuat xidmətinə oyun haqda belə danışıb:
“Müdafiəçilərimiz yox idi, baxmayaraq ki, onlarsız komanda yaxşı görünürdü. Erkən qol buraxsaq da, Molinanın qolu ilə dərhal tarazlığı bərpa etdik. Ümumiyyətlə, oyunboyu nəzərdə tutduğumuz plandan yayınmadıq”.
Bu uğurdan sonra Madrid təmsilçisi 6 xal toplayıb. Komanda Çempionlar Liqasının turnir cədvəlində 23-cü yerdədir. PSJ isə öz növbəsində 4 xalla 25-ci pillədə qərarlaşıb.
Mirağa
