Dünyada mövcud geosiyasi vəziyyət sabitlikdən uzaqdır.
APA-nın Moskva bürosu xəbər verir ki, bunu Rusiya Prezidenti Vladimir Putin MDB üzvü olan ölkələrin təhlükəsizlik şuraları katiblərinin 12-ci iclasının iştirakçılarına müraciətində vurğulayıb.
Putinin müraciətini Rusiya Təhlükəsizlik Şurasının katibi Sergey Şoyqu oxuyub.
Rusiya Prezidenti həmçinin qeyd edib ki, təhdidləri müəyyən etmək üçün MDB təhlükəsizlik şuralarının proqnoz potensialından istifadə etmək vacibdir.
Onun sözlərinə görə, MDB ölkələrinin müdafiə və terrorizmlə mübarizə sahəsində strateji planlaşdırma sənədlərinə vaxtında düzəlişlər etmək lazımdır.
