COP29 çərçivəsində Rəqəmsal İnkişaf və Nəqliyyat Nazirliyi yanında Kosmik Agentlik ("Azərkosmos") “İqlim dəyişikliyi ilə mübarizədə kosmik çağırışlar: Kosmik Agentliklərin Rəhbərlərinin Sammiti”ni keçirəcək.
“İki sahil” xəbər verir ki, bu barədə Agentlik məlumat yayıb.
Bildirlir ki, tədbir 20 qlobal kosmik agentliyin rəhbər komandalarını, Birləşmiş Millətlər Təşkilatının Kosmos Məsələləri üzrə Ofisi (UNOOSA), İslam Dünyası Təhsil, Elm və Mədəniyyət Təşkilatı (ICESCO), Beynəlxalq Astronavtika Federasiyası, Millətlər Birliyi kimi beynəlxalq təşkilatları, eləcə də özəl sektorun liderlərini bir araya gətirəcək.
Sammitin məqsədi, kosmik texnologiyaların imkanlarından istifadə edərək iqlim dəyişikliyi ilə mübarizə üçün qlobal kosmos agentliklərini bir araya gətirməkdir. Birgə fəaliyyət planları və əməkdaşlıq vasitəsilə bu tədbir, kosmik texnologiyaların unikal imkanlarından faydalanaraq iqlim problemlərinin həllinə yönəlmişdir.
