Böyük Britaniya Qazaxıstan, Çin, Türkiyə, Özbəkistan və Estoniya şirkətlərinə qarşı Ukraynada xüsusi hərbi əməliyyatın keçirilməsində Rusiyaya yardım göstərdiyinə görə məhdudlaşdırıcı tədbirlər tətbiq edib.
Ucnoqta.az xəbər verir ki, bu abrədə Britaniya hökumətinin saytında yenilənmiş qara siyahıda məlumat dərc edilib.
Siyahıya Estoniya şirkəti "Virmavia", Çinin "Jinhua Hairun Power Technology", "Redlepus TSK Vektor Industrial", "Chengdu Jingxin Technology", "Dongguan Shengyin CNC Equiment and Sino Holdings Group", Honq Konqda yerləşən "Xin Quan Electronics", "Makewell Industrial Trading", "Haineng Machinery və Ace Group Era", Qazaxıstandan "Stanex Kazstanex", "TawKz", "Zapchasttrade", "CPS Energy and Rabadaziya", Taşkəntin "Uzstanex " və türk "Inovasyon Teknoloji Sanayi Ve Ticaret Limited" şirkəti daxil edilib.
Londonun sanksiya siyahısına özəl hərbi şirkətlərlə əlaqəli olduğu və “Ukraynada sabitliyi pozmaq” fəaliyyəti ilə məşğul olduğu iddia edilən daha 6 nəfərin adı var.
Bunlar Konstantin Mirzoyants, Stanislav Orlov, Aleksandr Kuznetsov, Mixail Turkanov, Vitali Ermolaev və bosniyalı Davor Saviçiçdir.
