ABŞ İranın İsrailə gözlənilən hücumundan əvvəl Yaxın Şərqə əlavə qüvvələr göndərməyə davam edir. İzləmə sistemləri Amerikanın F-15E təyyarələrinin İordaniyaya doğru hərəkət etdiyini göstərir.
Teleqraf.com xəbər verir ki, bu barədə “Haaretz” məlumat yayıb.
İsrail nəşri yazır ki, təyyarələrdən ən azı 12-si artıq yerləşdirilmiş qırıcılara qoşularaq bölgəyə doğru gedir.
ABŞ ordusundan heç bir rəsmi açıqlama yoxdur.
İran İsrailin oktyabrın 26-dakı hücumundan sonra yəhudi dövlətinə cavab verəcəyini açıqlayıb.
Nəşr İranın hücumunun bu həftə baş verəcəyini, zərbələrin İraqdan endiriləcəyini bildirir.
Həftənin əvvəlində ABŞ müdafiə naziri Lloyd Ostin bir neçə B-52 (“Stratofortress”) bombardmançısı, yanacaqdoldurma təyyarəsi və Hərbi Dəniz Qüvvələrinin esmineslərini Yaxın Şərqdə yerləşdirməyi əmr edib.
