Məsələyə bank sektoru üzrə ekspert, hüquqşünas Əkrəm Həsənov münasibət bildirib. Ə.Həsənov Demokrat.az-a açıqlamasında deyib ki, bankomatları quraşdırmaq bankların işidir:
“Bundan başqa, “AzərPoçt”un da bankomatları ola bilər. Bu da onların özlərinin siyasətidir. Bankomatları harada qoyurlar? Harada ki müştəri və pul daşınması çoxdur. Yəni bankın şöbəsi, filialı olan yerlərdə qoyulur bankomat. Filial yoxdursa, bankomat da qoyulmur. Bu, bankın öz seçimidir.
Hər kənddə bankomat qoymaq üçün dəfələrdə təklif etmişəm ki, “AzərPoçt”un maliyyə xidmətləri genişləndirilməlidir. Bu gün qurum əmanət qəbul edə bilir, hesab aça bilir, amma kredit verə bilmir. Əmanət qəbul et müştəridən, hesab aç, amma o vəsaiti heç yerə yerləşdirə bilmə, kredit verə bilmə... Poçt hər bir kənddə var, bu işləri də onun səlahiyyətinə vermək lazımdır. Qazanc imkanı yaradılsa, poçt hər yerə bankomat qoya bilər. Təəssüf ki, belə deyil. Dövlətsə bankdan tələb edə bilməz ki, hər yerə bankomat qoy, bank kommersiya qurumudur, müstəqildir. Poçt isə dövlətin tabeliyindədir, amma pulu yoxdursa,necə etsin bunu. Gərək poçta da vəsait ayrılsın”.
Törə Zeynallı
Demokrat.az
