Belarus prezidenti Aleksandr Lukaşenko bəyan edib ki, o, Ukraynada müharibəni dayandıra bilsə, ABŞ-nin yeni seçilmiş prezidenti Donald Trampı Nobel Sülh Mükafatına namizəd göstərməyə hazırdır.
KONKRET.az xəbər verir ki, bu barədə Belarus prezidentinin mətbuat xidməti məlumat yayıb: “Əgər Tramp vədinə əməl etsə və bu müharibəni dayandıra bilsə, biz müvafiq təklifi Nobel Komitəsinə göndərəcəyik”, – deyə Lukaşenko bildirib. Xatırladaq ki, ötən il Donald Tramp yenidən seçiləcəyi təqdirdə həm Rusiya, həm də Ukrayna prezidentlərinə təzyiq göstərərək hər iki tərəfi danışıqlara məcbur edəcəyini açıqlamışdı.
Vəli Həsənoğlu,
KONKRET.az
