Ermənistan Təhlükəsizlik Şurasının katibi Armen Qriqoryan noyabrın 8-də demokratiya forumunda iştirak etmək üçün Litvaya gedəcək.
Axar.az xəbər verir ki, bu barədə Ermənistan Təhlükəsizlik Şurasından məlumat verilib.
“Qriqoryan noyabrın 8-də Vilnüsə gedəcək və burada “Demokratiyanın gələcəyi” forumunda iştirak edəcək”, - məlumatda qeyd olunub.
Qriqoryanın bir sıra işgüzar görüşlər keçirəcəyi bildirilib.
Qeyd edək ki, bu gün Moskvada MDB Təhlükəsizlik Şuraları katiblərinin 12-ci iclası keçirilib. Ermənistanı iclasda bu ölkənin Rusiyadakı səfiri Qurgen Arsenyan təmsil edib.
