Maia Sandu Moldovada seçkiləri yalnız saxtakarlıq hesabına qazanıb. “İzvestiya” xəbər verir ki, bu barədə Dövlət Dumasının İnformasiya Siyasəti, İnformasiya Texnologiyaları və Rabitə Komitəsinin sədr müavini Oleq Matveyçev məlumat verib.
“Böyük saxtakarlıqlar sayəsində, rəsmi məlumatlara görə, Sandu qalib gəldi. Bu saxtakarlıqların miqyasını anlamaq üçün bəzi rəqəmlər deyəcəyəm. Səsvermə bülletenlərinin 87 faizinin hesablanması ilə [onun rəqibi Aleksandru] Stoyanoqlo 51,16 faiz, Sandu isə hələ də 48,84 faiz səs toplayıb. O, bülletenlərin 92 faizini hesablayanda ən sonda önə keçməyə başladı”, - deyə deputat xatırladıb.
Onun sözlərinə görə, moldovalı siyasətçi Qərb ölkələrində yaşayan və Avropa platformalarında səs verən vətəndaşların səsləri sayəsində qalib gəlib. Natiq əlavə edib ki, seçkilər zamanı seçicilər bir neçə seqmentə bölünür - Moldovada elə bir seqment yox idi ki, Sandu qalib gəlsin.
Bundan əvvəl Moldovanın keçmiş baş prokuroru Aleksandr Stoyanoqlo ölkədə keçirilən seçkilərin ikinci turunda bir qeyd-şərtlə məğlub olduğunu etiraf edib. O, ölkə daxilində sarsıdıcı qələbə qazandığını qeyd edib.

aia.az
Tərcümə şöbəsi

• Moldova
• Maya Sandu
• Seçkilər
• Dövlət Duması
• Qalibiyyət