Noyabrın 7-də Albaniyanın paytaxtı Tiranada taekvondo üzrə yeniyetmələr arasında Avropa birinciliyi start götürüb.
İdman.biz xəbər verir ki, yarışın ilk günü yığmamız üçün uğurlu olub.
61 kq çəki dərəcəsində mübarizə aparan taekvondoçumuz Fərid Əlizadə bürünc medala sahib çıxıb. İdmançımız medala gedən yolda İtaliya, Kipr və Ukraynadan olan rəqibləri üzərində qələbə qazanıb. Fərid yarımfinalda türkiyəli Yigit Maxalkiyə uduzub.
Qeyd edək ki, Avropa birinciliyinə noyabrın 9-da yekun vurulacaq.
İdman.biz
