Afina Ankara ilə böhranların qarşısını almağa imkan verən etimad təməlini yaradıb.
Ölkə.Az xəbər verir ki, bunu Yunanıstanın xarici işlər naziri Giorgos Gerapetritis “Hürriyet” qəzetinə müsahibəsində bildirib.
Gerapetritisin sözlərinə görə, son 15 ay ərzində Yunanıstan və Türkiyə ikitərəfli dialoqu ən yüksək səviyyədə bərpa etdikdən sonra onlar münasibətləri fərqli bir yola yönəltmək üçün fövqəladə iradə nümayiş etdiriblər.
“Addım-addım biz elə bir etimad səviyyəsinə çatmışıq ki, problemləri səmimi şəkildə müzakirə edə və böhranların qarşısını ala bilərik”, - yunan nazir deyib.
O deyib ki, danışıqlar həm də Yunanıstan və Türkiyə arasında 2025-ci ilin əvvəlində Ankarada keçirilməsi planlaşdırılan Yüksək Səviyyəli Əməkdaşlıq Şurasının yolunu açmağa kömək edəcək.
Yunanıstan və Türkiyə NATO müttəfiqləridir, lakin onilliklərdir ki, hava məkanından tutmuş Aralıq dənizinin şərqindəki dəniz yurisdiksiyasına və Kiprin bölünməsinə qədər bir sıra məsələlərdə mübahisələri davam edir.
Mürtəza
Ölkə.Az
