Tanınmış şair, “Ulduz” jurnalının baş redaktoru Qulu Ağsəsin Şuşaya həsr etdiyi "Xoş gördük, Şuşa!" şeirini qiraətçi Xəzər Süleymanlı səsləndirib.
Bakupost.az həmin şeiri təqdim edir:
Xoş gördük, Şuşa!
Xoş gördük,
əyil qulağına söz deyim, Şuşam:
nə vaxtdı,
yad səslərdən yağır qulağına...
mən pambıq götürüm,
sənsə çöp götür,
enək İsa bulağına –
təmizləyək nisgilin,
28 bəlaya gəlmiş ilin!
...Bir də xoş gördük,
əyil qulağına söz deyim, Şuşam:
da-rıx-mı-şam!..
