Ölkəmizdə futbol meydanına atılan klubların əksəri dərhal uğur qazanmaq yolunu tutur. Uzunmüddətli strategiya əsasında çalışanların, zirvəyə pillə-pillə irəlilələnlərin sayı hədsiz azdı.
Amma “Şəfa”nı ikincilərin sırasına aid etmək olar. Təxminən 20 il əvvəl ölkənin aparıcı klublarından olan “Şəfa” əvvəlki əzəmətini qaytarmağa iddialıdı. Paytaxt təmsilçisi 2-ci liqanın yeni mövsümünə də yaxşı başlayıb. Dünən klubun idman direktoru Elvin Ələsgərovla əlaqə saxlayıb, bəzi suallara cavab tapmağa çalışdıq.
- Komandanız ölkə kubokunda mübarizəni dayandırdı. Səviyyə fərqi əsas rol oynadı, yoxsa kubokda iddialarınız böyük deyildi?
- Bəli, sürət fərqi var. Birinci liqa daha sürətlidi. Ancaq biz axıra qədər oynadıq və sonda uğur “Difai”dən yana oldu.
- “Şəfa” hazırda turnir cədvəlinin ikinci pilləsində qərarlaşıb. Halbuki bir il əvvəl autsayderlər sırasında mübarizə aparırdı. Ötən illə müqayisədə hansı dəyişikliklər gerçəkləşdirdiz?
- Ötən illə müqayisədə büdcə artımı müşahidə olunur. Komandada keyfiyyətli futbolçuların sayı artıb, futbolçulara şərait yaradılıb, onlar lazımi inventarlar və vitaminlər ilə təmin olunub.
- Bilirik ki, “Şəfa”nın hədəfləri, müəyyən inkişaf stategiyası var.
- İnkişafla bağlı işlər aparılır. 20 yaşdan aşağı beş oyunçumuz var. Onları Avropa klubları üçün hazırlayırıq ki, gələcəkdə ölkəmizi xaricdə təmsil etsinlər. Üstəlik milli komandalarımıza da güc qatsınlar.
- Son vaxtlar bəzi klubların malliyyə çətinliyi ucbatından sıxıntı yaşadığını, hətta fəaliyyətini dayandırmaq təhlükəsilə üz-üzə qaldığıını görürük. “Şəfa” belə çətinliklərlə üzləşmir ki?
- Mailyə problemimiz yoxdu. “My Grup Holding” “Şəfa”nı tərkib hissəsinə götürüb. Belədə “Şəfa” 20 şirkətdən biridi.
- Yayda Bakıda 15 minlik stadion tikintisi planlaşdırdız. Yer seçildimi? Bu yöndə işlər nə yerdədi, stadion nə vaxt olacaq?
- AFFA və Peşəkar Futbol Liqası ilə danışıqlar gedir. Biz “Şəfa” futbol klubu olaraq, stadion tikəcəyik. 15-20 min yerlik stadion nəzərdə tutulub. Bunu mərhələ-mərhələ edəcəyik. Tikəcəyimiz stadion Avropa standartlarına tam cavab verəcək
- Mövsümdən əvvəl bildirmişdiz ki, azarkeşləri stadiona dəvət etmək üçün müxtəlif üsullardan istifadə edəcəksiz.Çempionatın gedişində buna görə müxtəlif hədiyyələr verən bəlkə də tək klub sizsiz. Azarkeşlər müntəzəm stadiona gəlirmi?
- Azarkeşləri stadiona dəvət etmək üçün hər şey edirik. “İnstaqram” səhifəmizə baxsaz, görə bilərsiz ki, “İphone 16” və başqa hədiyyələr qazamaq üçün müsabiqələr keçiririk. Ona görə ki, azarkeşləri cəlb edə bilək. Hətta oyunlar vaxtı azarkeşlərə su, çay, kofe və şirniyyat da veririk.
- Akademiyada nə kimi işlər görülür?
- Hazırda U-13 oğlanlarımız və 13, 15, 17 yaş qrupunda olan qızlarımız AFFA-nın bayrağı altında keçirilən Azərbaycan birinciliyində iştirak edir. Gələn il biz U-9-dan U-19-a qədər AFFA-nın bütün liqalarında iştirak edəcəyik. Beləcə premyer-liqa üçün öhdəliyi tam yerinə yetirmiş olacağıq.
- “Şəfa”nın əvvəlki əzəmətini qaytarmaq üçün nə qədər vaxta ehtiyac var?
- Əvvəlki “Şəfa”nın əzəmətini qaytaracayıq. Bunun üçün bizə ilyarım vaxt lazımdı.
RÖYANƏ OĞUZ
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
