“Turan Tovuz” bu gün 1 qol vuracaq?

Misli Premyer Liqasının XIII turunun ikinci günü “ASCO Arena”da başlayacaq.

İdman.biz xəbər verir ki, “Səbail” və “Turan Tovuz” ölkə çempionatları tarixində 10-cu duelə çıxacaq.

Yubiley qarşılaşmasına qədər 9 dəfə görüşən rəqiblərin əvvəlki matçlarında bölgə təmsilçisi minimal üstünlüyə malikdir. 3 qələbəsi olan Tovuz klubu 2 dəfə uduzub. 4 oyunda qalib müəyyənləşməyib.
“Turan Tovuz” bütün oyunlarda qol vurub. Bu da top fərqindəki üstünlükdə əksini tapıb – 13-12. Ümumiyyətlə, yalnız iki dəfə - ilk və son dueldə tərəflərdən biri – qərblilər qol vurublar. Digər 7 matçda hər iki komanda fərqlənməyi bacarıb.

“Səbail” son üç matçda qələbə qazanmayıb. Paytaxt klubunun 4 ev oyununda tərəflər hərəyə 1 qələbə qazanıb və 2 heç-heçə ediblər.

Maraqlıdır ki, “Turan Tovuz” bütün səfərlərdə eyni sayda qol vurub. “Səbail” hər dəfə qonaqların bir topuna üzülüb.

Qeyd edək ki, bugünkü qarşılaşma saat 17:00-da başlayacaq.

İdman.biz

• Idman
• Səbail
• Turan Tovuz
• Çempionat
• Asco Arena
• Misli Premyer Liqası