Dünya şöhrətli amerikalı rejissor Ridli Skott özü barədə yeni xəbər paylaşıb. Hollivudun məhşur siması bildirib ki, o, "Qladiator" filminin davamı üçün son montaj hüququnu da alıb.
Reyting.az-ın "Collider" nəşrinə istinadla verdiyi məlumata görə, rejissor deyib ki, ekranlara yeni çıxmış bu filmin teatr versiyası son variantdır və o, rejissorunun baxışı ilə tam üst-üstə düşür.
Skott vurğulayıb ki, yeni "Qladiator-2" filminin son xronometrajda müddəti 148 dəqiqədir.
Daha sonra məşhur rejissor öz sürprizini açıqlayıb. Skott bildirib ki, çəkilişləri artıq tamamlanmış "Qladiator-2" filminin beynəlxalq buraxılışı noyabrın 14-də başlayacaq. Lakin bu da sonuncu ekran əsəri olmayacaq. Skott üçüncü, daha da maraqlı və böyük film olacaq "Qladiator" üzərində işlədiyini bəyan edib.
Oqtay QORÇU
