Futbol üzrə Azərbaycan Premyer Liqanın 13-cü turu çərçisində keçiriləcək “Qarabağ” – “Zirə” matçının biletləri artıq satışdadır.
Arena.az bu barədə Ağdam klubunun mətbuat xidmətinə istinadən xəbər verir.
Biletlərin qiyməti sektorlara uyğun olaraq dəyişir. Belə ki, bu oyunu canlı izləmək istəyən azarkeşlər qiyməti 3, 7 və 15 manat aralığında dəyişən biletlər əldə edə bilərlər.
Biletlər bu gün iTicket.az-da onlayn, oyun günü isə həm iTicket.az-da onlayn, həm də Tofiq Bəhramov adına Respublika stadionunun kassalarında satışda olacaq.
Klubdan verilən məlumatda o da qeyd olunur ki, qapılar azarkeşlər üçün matçın start fitindən 120 dəqiqə əvvəl açılacaq.
Qeyd edək ki, “Qarabağ” – “Zirə” oyunu sabah – noyabrın 10-da Tofiq Bəhramov adına Respublika stadionunda keçiriləcək. Qarşılaşmaya saat 19:00-da start veriləcək.
