Amerikalı müğənni Beyonse “Qremmi” musiqi mükafatına nominasiyaların sayına görə lider olub.
“Qafqazinfo” xəbər verir ki, mükafat üçün namizədlərin siyahısı noyabrın 8-də rəsmi internet saytında dərc olunub.
67-ci “Qremmi” mükafatları 2 fevral 2025-ci ildə Los-Ancelesdə keçiriləcək. Tədbir zamanı namizədlər 94 nominasiya üzrə nüfuzlu mükafat uğrunda mübarizə aparacaq ki, Beyonse onlardan 11-də təmsil olunur.
43 yaşlı müğənnini 94 kateqoriyadan yeddi kateqoriyada təmsil olunan sənətçilər – Billie Eilish, Charli XCX, reperlər Kendrick Lamar və Post Malone izləyir. Onlardan sonra altı nominasiya qazanan Sabrina Karpenter, Ron Çappell və Taylor Svift gəlir.
