"Mançester Yunayted" qış transfer pəncərəsində 5 futbolçu ilə müqavilə imzalamağı planlaşdırır.
Fanat.Az xəbər verir ki, məlumatı "Mirror" yayıb.
Mənbənin məlumatına görə, "qırmızı şeytanlar"ın əsas hədəfləri “Everton”un müdafiəçisi Cerred Brantueyt, "Sportinq"in hücumçusu Viktor Dyökereş və yarımmüdafiəçisi Covani Kenda, "Bayern Münhe"nin arxa xətt oyunçusu Alfonso Davis və yarımmüdafiəçisi Leroy Sanedir.
Qısa siyahıdan göründüyü kimi, İngiltərə nəhənginin yeni baş məşqçisi Ruben Amorim özü ilə keçmiş komandası "Sportinq"dən iki oyunçunu götürmək istəyir.
Qeyd edək ki, "Mançester Yunayted" bu həftə Erik ten Haqı Amorimlə əvəzləyib. Portuqaliyalı mütəxəssis növbəti həftədən yeni komandasında işə rəsmən başlayacaq.
Mirağa
