Hazırkı ABŞ lideri Cozef Bayden və ABŞ-ın yeni seçilmiş Prezidenti Donald Tramp noyabrın 13-də Ağ Evdə görüşəcəklər.
Korrespondent.az yerli KİV-ə istinadən bildirir ki, Ağ Evin mətbuat katibi Karin Jan-Pyerin yazılı bəyanatında belə deyilir.
Bəyanatda qeyd olunub ki, görüş Ağ Evin Oval kabinetində saat 11:00-da (Bakı vaxtı ilə 20:00) keçiriləcək.
Məlumatda o da bildirilib ki, görüşlə bağlı əlavə təfərrüatlar sonradan təqdim ediləcək.
Trampın köməkçiləri daha əvvəl onun Baydenlə görüşünün yaxın vaxtlarda baş tutacağını bildirmişdilər.
