Misli Premyer Liqasının XIII turunun "Sabah" - "Kəpəz" matçından (1:1) sonra qonaqların baş məşqçisi Azər Bağırovun mətbuat konfransı keçirilib.
"Hər kəsi Zəfər Günü münasibətilə təbrik edirəm. Allah şəhidlərimizə rəhmət eləsin. Gərgin oyun oldu. Qələbə qazanmaq istəyirdik. Heç vaxt heç-heçə barədə düşünmək istəmirik. Komandada qələbə ruhunu yaşatmaq istəyirəm. Amalımız döyüşkən komanda yaratmaq, heç kimdən çəkinməməkdir".
- Hakimliklə bağlı fikriniz necədir?
- Rəşad Əhmədov ötən mövsüm 26-cı turda cəzalandı, sonra 10 tur təyinat almadı. Yəqin ki, səbəbləri var idi. Bu gün də VAR-da Rəşad əyləşmişdi. Yaxşı bir şey gözləmirdim.
- Milli fasilə komandanıza necə təsir edəcək?
- Üstün cəhəti də ola bilər, mənfi cəhəti də. İnanıram ki, fasilə xeyrimizə işləyəcək. Oyundan-oyuna komandada döyüşkənlik artır. Bu, müsbət haldır. Fasilədən sonra çalışacağıq ki, daha yaxşı olaq.
- Gəncəli veteranlar sizdən narazı idi. Artıq narazılığın bitdiyini demək olar?
- Təbii haldır. Hamı cavan kadrlara şübhəli yanaşır. Şükürlər olsun ki, bugünkü gündə dəstəyimiz var. Azarkeşlərimiz oyunlara gəlirlər. Gəncədə futbolu sevirlər. Hərənin sevgisi bir cür ola bilər. Amma nəticə də çox önəmlidir. "Səbail"lə oyunda bir az zəif çıxış etdik, amma nəticə qazandıq. Məncə, azarkeşlərimizin rəğbətini qazanmışıq və bizi sevirlər, dəstəkləyirlər.
Millimizin baş məşqçisi istefa verdi - Özəl
Abdulla Xaybullayev: "Məğlubiyyət hamımız üçün gözlənilməz oldu" - Müsahibə
Santuş jurnalistlərlə görüşəcək
Tarik Elyunissi: "Qarabağ"ın Norveçdə qələbə qazanması sürpriz olmadı"
Rahil oynadı, komandası qələbə qazandı
