Xaçmazda QƏZA: Piyada öldü, sərnişinlər xəsarət aldı 

  Xaçmazda avtomobil piyadanı vurub, ölən və yaralananlar var.

Referans.az Lent.az-a istinadən xəbər verir ki, hadisə Quba-Xaçmaz yolunun Xaçmaz rayonunun Yergüc kəndi ərazisindən keçən hissəsində baş verib.

"Opel" markalı minik avtomobili Xaçmaz rayonunun Üçkün kənd sakini Elçin Hafizovu vurub.

Piyada hadisə yerində ölüb. Avtomobildə olan sərnişinlər - 1989-cu il təvəllüdlü Musa İbrahimov və 2006-cı il təvəllüdlü Səbuhi Həsənov müxtəlif dərəcəli xəsarətləri alıblar.

Hadisə yerinə hüquq-mühafizə orqanlarının əməkdaşları cəlb olunub. Faktla bağlı araşdırma aparılır.