Taksi sürücüsü müştəriyə görə digər taksi sürücüsünü və onun iki qohumunu tüfənglə güllələyib.
News24.az "Haber Global"-a istinadən xəbər verir ki, hadisə Türkiyənin Adana bölgəsində yaşanıb.
İddiaya görə, taksi dayanacağında dayanan Yusuf adlı sürücü müştəri gözləyərkən digər sürücü İbrahim ilə mübahisə edib.
Mübahisə qısa zamanda davaya çevrilib.
Hər iki tərəfin yaxınlarının hadisə yerinə gəlməsi ilə dava daha da böyüyüb.
Yusuf dava zamanı İbrahimi, əmisi oğlu Metini və Mustafanı ov tüfəngi ilə vurub.
Daha sonra hadisəni törədən sürücü dostunun yük maşınına minərək qaçıb.
Əraziyə polis və tibb qrupları göndərilib. Bölgəyə gələn sağlamlıq qrupları yaralıları şəhərin müxtəlif xəstəxanalarına çatdırıb. Yaralıların vəziyyətinin yaxşı olduğu bildirilib.
Təqib nəticəsində saxlanılan taksi sürücüsü məhkəmə tərəfindən həbs edilib.
\\Söz.az
