«Şamaxı» dörd turluq məğlubiyyət seriyasına paytaxtda nöqtə qoydu.
«Neftçi»nin qonağı oldular, 90 dəqiqəni 1 xalla bitirdilər.
Ayxan Abbasovun komandası yenə təəccübləndirdi. Beşinci dəqiqəyə 2 top fərqiylə hesabda geri düşən «Şamaxı»nın dönüş edə biləcəyinə heç kim inanmazdı.
Bir baş məşqçidən savayı. O, oyun gedə-gedə, fasilənin elan olunmasını gözləmədən komandasını necə köklədisə, rollar sürətlə dəyişdi, «Neftçi» özünü itirdi.
Hesabı bərabərləşdirən «Şamaxı»nın daha 1-2 real fürsəti var idi, ardı gəlmədi.
İkinci yarıda nisbətən arxaya çəkilən qonaqların əks-hücumlara bel bağlaması gözlənilən idi. Mərkəzi ələ keçirən «Neftçi»nin çoxsaylı hücum cəhdlərini «Şamaxı» çətinliklə də olsa, aldı.
Ayxan Abbasovun ikinci bir bacarığı bu matçda növbəti dəfə isbatlandı. Sabah məşqçilik karyerasına yekun vursun, şübhəniz olmasın, o, menecer kimi daha çox pul qazanar. İ
ldə Rikardu Fernandeş, Brahim Konate və Coy-Leroy Mikels çapında 3-4 ucuz, amma keyfiyyətli legioner tapıb gətirməklə, bütün klubların sevimlisinə çevriləcək, onları əlindən qapacaqlar, özü də olacaq milyoner.
Misalçün, Samir Abasovun belə bir bacarığı yoxdur. Ayxan Abbasov gedib quş gətirəndə, o da bayquş gətirəcək.
KAMİL
