Amerika Birləşmiş Ştatlarının yeni seçilmiş prezidenti Donald Tramp Rusiya diktatoru Vladimir Putinin təşəbbüslərini dəstəkləməyəcək.
Hafta.az “UNİAN”-a istinadla xəbər verir ki, bu fikri Ukrayna Prezident Ofisi rəhbərinin müşaviri Mixail Podolyak “Biz - Ukraynayıq” telekanalındakı açıqlamasında ehtimal edib
“Tramp reputasiya praqmatizminə əsaslanaraq hərəkət edəcək. Onun Putinin təşəbbüslərini dəstəkləməsinin mənası yoxdur, çünki bu halda ABŞ-nin növbəti lideri ikinci nömrə altında oynayacaq... Əgər sən Putinin təşəbbüslərini dəstəkləyirsənsə, bu o deməkdir ki, sən ikinci nömrə altında oynayırsan. Bunu heç təsəvvür edə bilmirəm... Cənab Trampın tərcümeyi-halı, onun hər zaman etdiyi əsas vurğuları nəzərə alsaq, o, heç vaxt ikinci nömrə altında oynamayacaq. Yalnız birinci kimi oynayacaq. Və buna görə də Trampın bütün təşəbbüsləri Putin soyadlı subyektin təklif etdiklərindən tamamilə fərqli görünəcək”, - deyə Podolyak vurğulayıb.
