Noyabrın 9-dan 10-na keçən gecə “İnter Mayami” və “Atlanta Yunayted” arasında MLS pley-off mərhələsinin 1/8 finalının üçüncü matçı keçirilib.
Publika.az xəbər verir ki, qonaqlar 3:2 hesabı ilə qalib gəliblər. “İnter Mayami”nin qollarından birini Lionel Messi vurub.
Argentinalı hücumçu Marselo Veygandtın sağ cinahdan ötürməsini tamamlayıb və hesabı bərabərləşdirib (2:2).
Lakin argentinalının qolu “İnter Mayami”nin qələbə qazanmasına kömək etməyib. Beləliklə, üç matçdan sonra “Atlanta Yunayted” MLS-in pley-off mərhələsinin 1/4 finalına yüksəlib. Xatırladaq ki, ilk oyunda “”İnter Mayami”, cavab görüşündə “Atlanta” qalib gəlmişdi (2:1). Atlanta 1/4 finalda “Orlando” ilə qarşılaşacaq.
