Məlum olduğu kimi, “Real” İspaniya La Liqasının 13-cü turunda “Osasuna” ilə ev oyununda 4:0 hesablı qələbə qazanıb.
Arena.az Madrid klubunun rəsmi saytına istinadən məlumat verir ki, bu qələbə İspaniya nəhənginə baha başa gəlib.
“Qaymaqlılar” oyunun gedişində 3 futbolçusunu zədə səbəbindən əvəzləməli olublar.
20-ci dəqiqədə braziliyalı sağ cinah hücumçusu Rodriqo Qoes zədələnədərək, mərakeşli yarımmüdafiəçi Braim Diasla əvəzlənib. Vurğulayaq ki, Rodriqo zədədən yenicə sağalaraq, “Milan”a qarşı ötən oyunda meydana qayıtmışdı. Braziliyalı müdafiəçi künc zərbəsi zamanı rəqiblə hava mübarizəsi apararkən yerə uğursuzcasına eniş etməsi ilə ayaq əzələsini zədələyib. Futbolçunun bir müddət istirahətə ehtiyacı olacağı bildirilir. Rodriqo bir aya qədər yaşıl meydanlardan kənarda qalacaq.
30-cu dəqiqədə isə braziliyalı mərkəz müdafiəçisi Eder Militao zədə alıb. Militao daha əvvəl üzləşdiyi, sağ dizinin ön çarpaz bağ zədəsini təkrar yaşayıb. Militaonu ispan müdafiəçi Raul Asensio əvəzləyib. Zədənin tibbi müayinəsi bu dəfə çarpaz bağın tam qopmasını müəyyənləşdirib. Braziliyalı müdafiəçini cərrahi əməliyyat və ardınca uzun bərpa mərhələsi gözləyir.
46-cı dəqiqədə “Real” ispan müdafiəçi Lukas Vaskesi meydandan almalı olub, əvəzində xorvat yarımmüdafiəçi Luka Modriç meydana çıxıb. Vaskes əzələ zədəsi ilə üzləşib və bir müddət bərpaya ehtiyac duyur. İspan müdafiəçi üç həftəyə qədər futbol qalmalı olacaq.
“Real”ın baş məşqçisi Karlo Ançelotti üzləşdiyi acı mənzərə haqda şərh verib:
“Hazırda, biz biz heç nəyi dəyişə bilmərik və növbəti aylarda vəziyyəti təhlil edəcəyik. Milad tətilindən əvvəl transfer bazarı haqqında düşünməyin mənası yoxdur, biz yaxın gələcək üçün hazırkı heyətə diqqət yetirməliyik.
Bu gün Valverde müdafiə cinahında oynayırdı ki, bu, fikrimcə, kifayət qədər məqbuldur, Raul Asensio isə müdafiənin mərkəzində oynayırdı. Biz ötən mövsüm istifadə etdiyimiz strategiyaya sadiq qalacağıq.
Qeyd etməyə bilmərəm ki, hazırkı təqvim futbolçularımıza istirahət üçün kifayət qədər vaxt vermir. Bu, təkcə bizim fəsadımız deyil, bütün futbol dünyasını təsir edən fəsaddır”.
12 turdan sonra 27 xal toplamış “Real” La Liqanın yarış cədvəlində 2-ci pillədə qərarlaşıb. La Liqaya 12 oyundan 33 xalla “Barselona” başçılıq edir.
