Noyabrın 8-10-daYunanıstanın Saloniki şəhərində qadın idman gimnastikası üzrə “Horizon Cup” beynəlxalq yarışı keçirilib.
İdman.biz xəbər verir ki, Azərbaycan gimnastları uğurlu çıxışla yadda qalıblar.
Komandamızın heyətində Dəniz Əliyeva dayaqlı tullanma və müxtəlif hündürlüklü qollarda çıxış zamanı fəxri kürsünün ən yüksək pilləsində yer alıb. Leyla Məmmədzadə müxtəlif hündürlüklü qollarda qızıla sahib çıxıb.
Albina Alieva iki medal qazanıb. O, dayaqlı tullanmada gümüş, müxtəlif hündürlüklü qollarda isə bürünc qazanıb. Aytən Məmmədova isə müxtəlif hündürlüklü qollarda bürüncə yiyələnib.
İdman.biz
