İtaliyada tennis üzrə ilin yekun turnirinin ilk oyunları keçirilib. Turində təşkil edilən turnirin ilk oyun günündə eyni nəticələr qeydə alınıb.
Əvvəlcə korta Daniil Medvedevlə Teylor Frits çıxıb. ABŞ-li tennisçi çətinlik çəkmədən iki setdə qələbə qazanıb – 6:3, 6:4.
Ardınca yerli publikanın səbrlə gözlədiyi oyun başlayıb. Yannik Sinner doğma azarkeşləri qarşısında Aleks De Minoru ardıcıl 8-ci dəfə məğlubiyyətə uğradıb – 6:4, 6:3.
Bu gün turnirdə digər qrupun iki oyunu keçiriləcək. Əvvəlcə korta Alkarasla Ruud, ardınca isə Zverevlə Rublyov çıxacaqlar.
