Beynəlxalq ictimaiyyət iqlim maliyyələşməsinə kifayət qədər vəsait xərcləmir.
Bu barədə “Report”a açıqlamasında "Allatra" beynəlxalq ictimai hərəkatının prezidenti Marina Ovtsınova COP29 iqlim konfransında bildirib.
"Biz geri dönüş nöqtəsinə nə qədər az qaldığını dərk etmirik", - o vurğulayıb.
Onun sözlərinə görə, ətraf mühitin çirklənməsi maksimum həddə çatıb və dünya birliyi bu problemi təcili həll etməlidir: "Biz təbii fəlakətlərin sayının artımının şahidiyik. Planeti çirkləndirməyə davam edib eyni zamanda da müsbət dəyişikliklər gözləmək olmaz".
