Mən ilk dəfədir ki, COP konfransında iştirak edirəm. Namibiya quraqlıqdan çox əziyyət çəkir. Quraqlıq bizim kənd təsərrüfatı sisteminə böyük ziyan vurur, faunamız məhv olur.
Bunu AZƏRTAC-a açıqlaması zamanı Namibiyanın Kənd Təsərrüfatı, Su və Meşə Nazirliyinin nümayəndəsi Cozef Şilipişiva Amunime deyib.
O qeyd edib ki, hazırda Namibiyada quraqlıq mövsümüdür.
“Otlaq ərazilərimiz məhv olmaq təhlükəsi ilə üz-üzədir. Bir ay bundan əvvəl Namibiya Prezidenti bu problemlə bağlı çıxış edib. Mən bu kimi böyük problemlərin həllini danışıqlarda görürəm və bütün ölkələr, o cümlədən beynəlxalq ictimaiyyət danışıqlara davam etməlidir. Ümid edirəm ki, COP29 konfransının sonunda lazım olan konsensusa gələ biləcəyik. Bu, sonuncu deyil, həlledici COP olacaq”, - deyə Namibiya nümayəndəsi qeyd edib.
COP29-un təşkilatçılığına gəlincə qonaq bildirib ki, onun üçün ən vacib məqam logistikadır: “Qonaqların qarşılanması, qeydiyyatı, yerləşdirilməsi və s. - COP29 yüksək səviyyədə təşkil olunub”.
Azertac
