Polşanın baş naziri Donald Tusk Böyük Britaniya ilə ittifaq qurmaq, “Qərbin Ukraynaya xəyanətinin” qarşısını almaq üçün yaxın günlərdə Fransa prezidenti Emmanuel Makron və NATO-nun baş katibi Mark Rutte ilə danışıqlar aparmaq niyyətindədir. Bu barədə Times qəzeti məlumat yayıb.
Tuskun sözlərinə görə, Avropa Trampın seçilməsi və yaxın aylarda Ukrayna ilə Rusiya Federasiyası arasında münaqişəyə son qoymaq niyyəti ilə bağlı ciddi geosiyasi problemlərlə üzləşəcək.
“The Times” Polşa hökumətinin başçısından sitat gətirir: “Biz geosiyasi və transatlantik vəziyyətə və Ukraynadakı vəziyyətə çox oxşar baxışları olan ölkələrlə əməkdaşlığı çox intensiv şəkildə əlaqələndirəcəyik. Heç kim münaqişənin gərginləşməsini istəmir. Eyni zamanda, heç kim Ukraynanın zəifləməsini, hətta təslim olmasını istəmir. Bu, Polşanın maraqları üçün əsas təhlükə olardı”.
Oxuməni.az
