Gürcüstanda azərbaycanlıların kompakt yaşadığı Marneuli bələdiyyəsində 2 yaşlı uşağın ölümü ilə nəticələnən bədbəxt hadisə baş verib.
APA-nın Tbilisi müxbirinin verdiyi xəbərə görə, azyaşlı boyun nahiyəsindən aldığı xəsarət nəticəsində yerindəcə dünyasını dəyişib. Məlumata görə, nənəsinin evinə qonaq gedən uşaq evin həyətində oynayarkən tikilidən düşən blokun altında qalıb. Azyaşlı boyun nahiyəsindən aldığı xəsarət nəticəsində yerindəcə dünyasını dəyişib.
Hadisə yerinə təcili yardım briqadası və Daxili İşlər Nazirliyinin əməkdaşları cəlb olunub, faktla bağlı araşdırma başladılıb.
