Hər bir ölkə iqlimlə bağlı daha cəsarətli tədbirlər görməyincə, iqlim dəyişikliklərinin təsirlərinin artması inflyasiyaya səbəb olacaq.
APA-nın xəbərinə görə, bunu COP29 çərçivəsində Ümumdünya Səhiyyə Təşkilatı (ÜST), UNICEF və “Lancet Countdown” təşkilatının iqlim, səhiyyə və uşaqlar mövzusundakı birgə mətbuat konfransında BMT-nin İqlim Dəyişmələri üzrə Çərçivə Konvensiyasının İcraçı katibi Saymon Stil deyib.
Saymon Stil pandemiyadan çıxan dərsləri öyrənməyə çağırıb: “Kifayət qədər sürətli kollektiv tədbirlər görmədiyimiz üçün milyardlarla insan əziyyət çəkdi, təchizat zəncirləri qırıldı. Gəlin, bu səhvi bir daha etməyək. İqlim maliyyəsi həm də qlobal inflyasiyanın qarşısını almaq üçün bir sığortadır”.
