Qızılın qiyməti ABŞ-da prezident seçkilərində Donald Trampın qələbəsindən sonra dolların bahalaşması ilə son bir ayın ən aşağı səviyyəsinə düşüb.
Marja.az xəbər verir ki, qlobal bazarda həftənin ikinci əməliyyat günündə qızılın unsiyası 0,8 faiz də ucuzlaşaraq 2 min 598 dollara geriləyib (Bakı vaxtı ilə saat 12:00-a olan məlumat).
Qiymətli metal keçən həftəki seçkilərdən bəri 4 faizdən çox ucuzlaşıb, çünki hedcinq fondları qızılın daha da bahalaşacağı alışlarını dayandırıblar. ABŞ şirkətlərinin səhmlərinə artan tələb də qızıla marağı azaldb.
Qızıl bu il hələ də 25 faizdən çox bahadır və bu, FED-in yumşaldıcı dövrü (faiz endirimləri), mərkəzi bank satınalmaları və "təhlükəsiz liman" tələbinə səbəb olan geosiyasi və iqtisadi risklərin artması ilə əlaqədar baş verib.
İnvestorlar, ABŞ mərkəzi bankının keçən həftə faiz dərəcələrini 0,25 faiz bəndi aşağı salmasından sonra FED-in yumşaldıcı yolu ilə bağlı ipuçları tapmaq üçün çərşənbə günü qida və enerji xaric baza istehlak qiymətləri indeksi məlumatına baxacaqlar.
