“ABŞ-dəki prezident seçkilərində qalib gələn Donald Trampın həyata keçirəcəyi iqtisadi siyasət çox güman ki, dolları gücləndirəcək. Bu, öz növbəsində bütün dünyada nəzərəçarpacaq nəticələrə səbəb olacaq”.
“Cebheinfo.az” xəbər verir ki, bu proqnozu məşhur “The Economist” jurnalı verib.
Materialın müəllifləri qeyd ediblər ki, birjada iri şirkətlərin indeksləri ardıcıl olaraq rekordlar qırır. Bu, investorların nə gözlədiyini göstərir. Bununla belə, Donald Trampın iqtisadi proqramının konkret hansı hissəsini inkişaf etdirəcəyi hələlik ekspertlərə aydın deyil.
Treyderlər, jurnalistlər vurğulayırlar ki, Trampın dövründə iri şirkətlər vergilərin azaldılması hesabına pul qazanacaqlarına əmindirlər. Bununla belə, daha yüksək kəsir və yenilənmiş inflyasiyanın birləşməsi FED-i faiz dərəcələrini yüksək saxlamağa məcbur edə bilər.
Jurnalın yazdığına görə, yüksək faiz dərəcələri dolları yerli istehsalçılar üçün zərərli edir:
“Ancaq buna təsir etmək çətindir, investorlar tərəfindən onlara tələbat çox yüksəkdir. Amma Donald Tramp bunu etməyə çalışır.
Nə qədər ki, faizlər yüksək olaraq qalacaq, ABŞ valyutası investorlar üçün seçim sığınacağı və dünya üçün çətin məsələ olacaq”, - nəşr yazır.
Bundan əvvəl məlumat verilmişdi ki, ABŞ dollarının dünya valyutaları səbətinə (avro, yapon yeni, funt sterlinq, Kanada dolları, İsveç kronu və İsveçrə frankı) nisbətdə indeksi respublikaçıların qələbəsi xəbərləri fonunda pik həddində - 1,92% bahalaşıb.
Rusiyalı maliyyə analitiki Dmitri Qolubovski bildirib ki, ABŞ valyutası tezliklə həm rubl, həm də avro və yuana qarşı möhkəmlənəcək:
“Lakin bunun səbəbləri fərqlidir. Avropa İttifaqı və Çin Donald Tramp başda olmaqla ABŞ-la ticarət münaqişələrinə hazırlaşır, rubla isə Rusiyanın xarici iqtisadi göstəriciləri, xüsusilə idxal və ixrac nisbəti təsir edir”.
