Masallı, 12 noyabr — Azadmedia.az
Xüsusilə son illərdə, idmanın müxtəlif sahələri üzrə beynəlxalq arenalarda öz sözünü deyən Masallı idmançıları bu dəfə də, Avropa birinciliyindən medallarla qayıdıblar.
Azadmedia.az cənubpress-ə istinadən məlumat verir ki, Albaniyanın paytaxtı Tirana şəhərində keçirilən kiçik yeniyetmələr arasında Avropa birinciliyində Masallı taekvondoçuları qalib şəkildə müxtəlif yerlər üzrə medallar əldə ediblər.
Belə ki, Masallı taekvondoçuları Esmanur Azayeva (36 kq), qızıl, 1-ci yer, Dərya Hüseyinova (24 kq) qızıl, 1-ci yer, Şahin Abdullayev (48 kq), gümüş, 2-ci yer, Aliyə Məmmədli (+57 kq) gümüş, 2-ci yer və Yusif Zeynallı (52 kq), 3-cü yer, bürünc medal qazanaraq vətənə geri dönüblər.
Qeyd edək ki, adı çəkilən taekvandoçular Masallı rayonunun Məşqçisi Ziya Qasımovun tələbə yetirmələridir.
Masallı PFK rəhbərliyi Məşqçi Ziya Qasımovu və rayonumuzun idmançılarını təbrik edir, idman sahəsindəki fəaliyyətlərində uğurlar arzu edir!
Ülkər Piriyeva
