Portuqaliya millisinin və "Əl-Nəsr"in hücumçusu Kriştiano Ronaldo rəsmi matçlarda vurduğu qolların sayını 1000-ə çatdırmaq istəyir.
QOL.az xəbər verir ki, bu barədə 39 yaşlı hücumçu öz açıqlamasında bildirib. O deyib:
“Mən açıq şəkildə bildirdim ki, qollarımı 1000-ə çatdırmaq istəyirəm. Həyat prinsipim isə budur: Anı yaşa və gələcək illərdə ayaqlarının necə reaksiya verəcəyini gör. Qollarımın sayını 1000-ə çatdırsam, əla olar. Amma etməsəm, belə bu, mənim üçün problem olmayacaq. Çünki indiyədək hələ heç kim məndən artıq qol vurmayıb”.
Qeyd edək ki, Ronaldo karyerası ərzində 908 qol vurub. O, 2023-cü ilin yanvarından Səudiyyə Ərəbistanı klubunda oynayır. Ronaldo əvvəllər “Sportinq”, “Mançester Yunayted”, “Real” və “Yuventus”da çıxış edib.
Kriştianonun Portuqaliya millisində də 216 matçda 133 qolu var.
