"Bayern Münhen"in müdafiəçisi Alfonso Deyvis karyerası ilə bağlı yekun qərarını açıqlayıb.
Fanat.Az xəbər verir ki, kanadalı oyunçu Almaniya nəhəngindən ayrılaraq İspaniyaya üz tutacaq.
Məlumatı ispaniyalı insayder Ramon Alvares "X" ("Twitter") hesabı üzərindən paylaşıb.
Mənbənin məlumatına görə, o, "Real"a keçməyə qərar verib və seçimini yaxınları vasitəsilə Madrid klubunun çatdırıb. "Kral klubu" futbolçunun qərarından bir neçə gün əvvəl xəbər tutub.
Kanadalı futbolçuya "Barselona" və "Mançester Yunayted" də təklif edib, lakin Devis onlara gələcəyi ilə bağlı artıq yekun qərar verdiyini bildirib.
Qeyd edək ki, Alfonso Deyvisin "Bayern"lə müqaviləsi 2025-ci ilin yayında başa çatacaq. O, almanlarla danışıq aparmaqdan imtina edib.
Mirağa
