İkinci Dünya Müharibəsi zamanı Pearl Harbor bazasına hücumdan sonra Yapon qüvvələri tərəfindən batırılan ABŞ döyüş gəmisi USS Edsall Hind okeanının dibində tapılıb.
Bakupost.az xarici KİV-ə istinadən xəbər verir ki, Avstraliya Kral Dəniz Qüvvələri tərəfindən Javanın cənubunda, Kristmas adasının 200 mil şərqində aşkar edilən USS Edsall, 1 mart 1942-ci ildə Yapon döyüş gəmilərinin hücumuna məruz qalıb və nəticədə batıb. .
ABŞ-ın Avstraliyadakı səfiri Kerolayn Kennedi, Edsallın cəsarətlə döyüşərək Yapon hücumundan yayınmağa çalışdığını vurğulayıb.
“Bu kəşf, qəhrəmancasına həlak olan əsgərləri şərəfləndirmək və onların sakitlik içində yatdıqlarını göstərmək üçün mühüm addımdır,” – deyə o bildirib.
Kennedi həmçinin, gəminin çeviklik göstərərək “rəqs edən siçan” ləqəbini qazandığını qeyd edib.
Bu kəşf Avstraliya donanması üçün böyük bir hadisə kimi qiymətləndirilib və Edsallın həm ABŞ, həm də Avstraliya dənizçilik tarixindəki əhəmiyyətini bir daha ortaya qoyub.
Lalə, BakuPost
