Mən heç vaxt Əliyevlə sammitin kənarında olduğu kimi uzun-uzadı söhbət etməmişdim”.
İnterpress.az xəbər verir ki, bunu Ermənistanın baş naziri Nikol Paşinyan ölkə parlamentində Kazanda keçirilən tədbirdə Əliyevlə söhbətin təfərrüatlarını açıqlayarkən bəyan edib.
Paşinyan bildirib ki, Kazanda keçirilən BRİCS sammiti çərçivəsində Azərbaycan Prezidenti İlham Əliyevə strateji saziş bağlamağı təklif edib.
“Mən heç vaxt Əliyevlə sammitin kənarında olduğu kimi uzun-uzadı söhbət etməmişəm. Fikrimcə, söhbətin ən mühüm məqamı ondan ibarət idi ki, Ermənistan və Azərbaycanın dinc yanaşı yaşaması üçün təkcə sülh və digər müqavilələrin imzalanması deyil, həm də strateji sazişin bağlanması lazımdır. Hesab edirəm ki, bu, ən vacib və əsas məsələdir”, – Paşinyan vurğulayıb.
Xuraman Etibarlı
İnterpress.az
