Uruqvay yığmasının keçmiş hücumçusu Dieqo Forlan özünü peşəkar tennisdə sınayacaq.
İdman.biz xəbər verir ki, o, Montevideoda start götürən beynəlxalq turnirdə korta çıxacaq.
45 yaşlı futbolçu cütlərin yarışında argentinalı tennisçi Federiko Koria ilə mübarizə aparacaq. Onların rəqibi Boris Arias/Federiko Sebalyos (Boliviya) olacaq.
Bu görüşdə rəqib duet favorit hesab olunur. Oyun Bakı vaxtı ilə saat 03:30-da start götürəcək.
Qeyd edək ki, Forlan karyerası ərzində "Mançester Yunayted", "İnter", "Atletiko" kimi klubların şərəfini qoruyub.
İdman.biz
