ABŞ-nın yeni seçilmiş prezidenti Donald Tramp Pentaqonda kütləvi ixtisarlar hazırlaya bilər.
Reyting.az “Röyter” agentliyinə istinadla bildirir ki, Trampın komanda üzvləri Pentaqondan uzaqlaşdırılacaq zabitlərin siyahısını tərtib edirlər.
Məlumata görə, bu siyahıya Birləşmiş Qərargah Rəisləri Komitəsinin üzvləri də daxil ola və bu, Pentaqonda “görünməmiş şok” yarada bilər.
Hazırda Pentaqonda təmizləmələrin planlaşdırılması ilkin mərhələdədir. Mənbələrdən biri müdafiə idarəsində kütləvi ixtisarların mümkünlüyünü şübhə altına alıb. Keçmişdə onu tənqid edən müdafiə liderlərinə fəal şəkildə qarşı çıxsa da, Trampın özünün də bu planı dəstəkləyib-dəstəkləməyəcəyi hələlik bəlli deyil.
İkinci mənbənin agentliyə verdiyi məlumata görə, yeni administrasiya çox güman ki, Trampın Birləşmiş Qərargah Rəisləri Komitəsinin keçmiş sədri Mark Milley ilə əlaqəli olduğu güman edilən ABŞ zabitlərinin işdən çıxarılmasına diqqət yetirəcək. Onun Trampın “təbəqədən faşist” olduğu iddiası Bob Vudvordun “Müharibə” kitabında sitat gətirilib. Eyni zamanda, Trampın müttəfiqləri keçmiş prezidentə qarşı sədaqətsizliyinə görə Milleyi hədəfə alıblar.
“Milley tərəfindən irəli çəkilən və təyin olunan hər bir şəxs gedəcək. Milley ilə əlaqəsi olan hər kəsin çox ətraflı siyahısı var. Və hamısı gedəcək”,- mənbə qeyd edib.
Qeyd olunur ki, Birləşmiş Qərargah Rəisləri Şurasına ABŞ silahlı qüvvələrinin Ordu, Hərbi Dəniz, Dəniz Piyadaları, Hərbi Hava Qüvvələri, Milli Qvardiya və Kosmik Qüvvələrin başçılıq edən yüksək rütbəli zabitləri daxildir.
ABŞ-nın yüksək səviyyəli hərbi məmurlarını işdən çıxarmaq planlarının üzə çıxması Trampın Pentaqonu təmizləməyə hazır olduğunu nümayiş etdirən veteran Pit Heqseti müdafiə naziri seçməsindən bir gün sonraya təsadüf edir.
Bəzi hazırkı və keçmiş ABŞ rəsmiləri bu cür əsas kadr dəyişikliklərinin mümkünlüyünü aşağı salıblar. Onların fikrincə, bu, Ukraynada və Yaxın Şərqdə müharibələrin getdiyi qlobal təlatümlər zamanı lazımsız və dağıdıcı addım olardı.
Mənbələrdən biri bildirib ki, ABŞ-nın yüksək səviyyəli hərbi rəhbərliyinin əksəriyyətini işdən çıxarmaq və əvəz etmək bürokratik baxımdan çətin olacaq. Bu, belə planların “Tramp müttəfiqləri tərəfindən lovğalanma” ola biləcəyini göstərir.
ELÇİN
